МЭНДЧИЛГЭЭ
Урган гарч буй жилдээ Жанрайсэг бурхан шиг энэрэн нигүүлсэнгүй, Манзушири бурхан шиг оюунлаг, Найдан жүдүг шиг өнөр өтгөн, Манал бурхан шиг эрүүл энх, Дарь эх бурхан шиг үйлстэн өөдөө, Намсрай сахиус шиг эд баялаг дүүрэн байхыг ерөөе. Эх болсон зургаан зүйл хамаг амьтны тусын тухайтад Дондүвлин хийдээс энэхүү албан ёсны веб сайтаар дамжуулж сүсэгтэн олны айлдуулах ном, шавдан, гүрэм, заслыг бичин авч хурал номоо айлдаж байна.
ДОНДҮВЛИН ХИЙД
2026-04-15. Лхагва гараг / БИЛГИЙН ТООЛЛЫН: 28.
Наран ургах шингэх: 06:03-19:41.
Үс засуулбал: Хэрүүл тэмцэл ирэх муу тул цээрлэвэл зохилтой.
Барилдлага: Рашааны барилдлагатай өдөр.
Билгийн тооллын хаврын дунд цагаагчин туулай сарын хуучны 28 ны өдөр. Гурван хөх мэнгэтэй, огторгуй суудалтай, дүвзий 24 жэдзий 25 одтой, шарагчин хонь өдөр. Рашааны барилдлагатай өдөр. Шүтэн барилдлага мунхрахуй. Өдрийн сайн цаг: бар (03:40-05:40), туулай (05:40-07:40), могой (09:40-11:40) бич (15:40-17:40) нохой (19:40-21:40), гахай (21:40-23:40) болой. Хулгана, гахай жилтэй хүмүүний сүлд өдөр. Туулай, гахай жилтэй хүмүүст энэ өдөр цаг харгалзахгүй аливаа үйлийг хийхэд сайн. Могой, морь жилтэй хүмүүсийн харш өдөр тул аливаа үйлд хянуур ханд. Бусад жилтэй хүмүүс аливаа үйлийг хийхэд сайн цагийг баримталж хийвэл зохилтой. Хол газар явагсад зүүн хойд зүгт мөрөө гаргавал өлзийтэй сайн. Хүний сүлд чих, шагай, нууцын оронд орших болой.
Энэ өдөр ном залах, эдийн тэнгэр тахиулах, гэр барих, ураг барилдах, анд нөхөр бололцох, лум тахиулах, усан балин өргүүлэх, малын зан үйл хийх, огторгуйн үүд сахих зэрэг үйлд сайн.
Хонь өдөр тул эм тан найруулах, ууж эхлэх, нохой авах зэрэг үйлд муу зайлшгүй хийх шаардлагатай бол өдрийн сайн цагийг баримталж Жанаггагдог, Найман гэгээн, Няваа гүнсэл зэрэг номыг засал болгон хийлгэж үйлдвээс зохилтой.
Холбоо